शहापूर – प्रफुल्ल शेवाळे
शिवसेना शिंदे गटाचा दसरा मेळावा काल मुंबई मध्ये पार पडला. यांनतर मुंबई हुन सिल्लोड ला जाणाऱ्या बसचा अपघात झाला आणि १८ प्रवासी जखमी झाल्याची माहिती हाती येत आहे.
सदर अपघात आज पहाटे ४ च्या सुमारास शहापूर जवळ कळंभे गावाजवळ झाला आहे.. शिंदे गटाच्या बसला मागून एका ट्रक ने धडक दिली आणि यांनतर या ट्रक ला शिंदे गटाच्या दुसऱ्या बसने धडक दिली..
घटनेची माहिती मिळताच महामार्ग पोलीस शहापूर केंद्र चे कर्मचारी,शहापूर पोलीस मदतीला घटनास्थळी दाखल झाले असल्याची माहिती समोर येत आहे. अपघातात १८ प्रवासी जखमी झाले असून जखमींना शहापूर उपजिल्हा रुग्णालयात उपचारासाठी दाखल करण्यात आले आहे.. सुदैवाने या अपघातात जीवितहानी झाली नसल्याचे वृत्त आहे..
