Navya Naveli Nanda : अभिनेते अमिताभ बच्चन आणि जया बच्चन यांची नात नव्या नवेली नंदा Navya Naveli Nanda हिने यावर्षी पॅरिस फॅशन वीकमध्ये पदार्पण करताच धूम केली आहे. तिची आई आई श्वेता बच्चन यांनी या कार्यक्रमाचे अनेक फोटो आणि व्हिडिओ सोशल मीडियावर शेअर केले आहेत. आजी जया बच्चन देखील आपल्या नातीला प्रोत्साहन देताना दिसल्या. या फॅशन वीकमध्ये तिची मामी ऐश्वर्या राय बच्चनही नव्यासोबत रॅम्प वॉक केला. आता नव्याने या फॅशन वीकबाबतचा तिचा अनुभव शेअर केला आहे.
अलीकडेच पॅरिस फॅशन वीकमध्ये अभिनेते अमिताभ बच्चन Amitabh Bachchan आणि जया बच्चन Jaya Bachchan यांची नात नव्या नवेली नंदा यांनी पहिल्यांदाच रॅम्प वॉक केला. पॅरिस फॅशन वीकमध्ये लॉरियल पॅरिससाठी रॅम्पवर चालण्याचा तिचा अनुभव शेअर करण्यासाठी नव्याने अलीकडेच सोशल मीडियावर पोस्ट शेयर केली.
नव्याने इंस्टाग्रामवर लिहिले, ‘एका कारणासाठी चालत आहे, महिलांना साजरे करण्यासाठी आणि सशक्त करण्यासाठी समर्पित एक रात्र. L’Oréal Paris चे आभारी आहे की त्यांनी मला त्यांच्या जगभरातील इतर राजदूत आणि प्रवक्त्यांसोबत एका अतिशय खास शोमध्ये उपस्थित राहण्याची संधी दिली. आम्ही एका कुटुंबासारखे चाललो. मला मिळालेला हा सर्वोत्तम अनुभव आहे.
L’Oreal सोबतच्या तिच्या सहवासाबद्दल बोलताना, नव्याने लिहिले की, ‘ल’ओरियल पॅरिसच्या उपक्रमाशी जोडल्याबद्दल मला खूप आनंद होत आहे. लॉरियल पॅरिसच्या या उपक्रमामुळे महिलांना सुरक्षित वातावरण प्रदान करण्यासाठी काम करण्याची संधी मिळते आणि ही संधी मिळाल्याबद्दल मी त्यांची आभारी आहे. मला या व्यासपीठावर माझ्या देशाचे आणि त्या कारणाचे प्रतिनिधित्व करण्याची संधी दिल्याबद्दल धन्यवाद.
