Saturday, June 15, 2024
spot_img
Homeक्रिकेटIND Vs SA | भारताचा तिसऱ्या सामन्यात मोठा विजय...दक्षिण आफ्रिकेत मालिका २-१...

IND Vs SA | भारताचा तिसऱ्या सामन्यात मोठा विजय…दक्षिण आफ्रिकेत मालिका २-१ ने जिंकून इतिहास रचला…

IND Vs SA : भारताने 3 सामन्यांच्या वनडे मालिकेतील शेवटच्या सामन्यात दक्षिण आफ्रिकेचा पराभव केला आहे. भारताने दक्षिण आफ्रिकेला एकतर्फी सामन्यात पराभूत केले आणि सामना तसेच एकदिवसीय मालिकाही जिंकली. भारताने ही मालिका २-१ ने जिंकली आहे. भारताने हा सामना ७८ धावांच्या मोठ्या फरकाने हा सामना जिंकला. आज पुन्हा एकदा अर्शदीप सिंगने अप्रतिम गोलंदाजी केली आहे. अर्शदीपने आजही 4 विकेट घेतल्या आहेत. अर्शदीपशिवाय वॉशिंग्टन सुंदर आणि आवेश खान यांनीही २-२ बळी घेतले आहेत.

भारताने दुसऱ्यांदा इतिहास रचला
या मालिकेतील पहिला सामना भारताने जिंकला होता. यानंतर दुसरा सामना दक्षिण आफ्रिकेने जिंकला, आता निर्णायक सामन्यात भारताचे वर्चस्व आहे. इतिहासात दुसऱ्यांदा भारताने दक्षिण आफ्रिकेला जाऊन वनडे मालिकेत दक्षिण आफ्रिकेचा पराभव केला आहे. यापूर्वी 2018 साली भारताने दक्षिण आफ्रिकेत दक्षिण आफ्रिकेचा 5-1 असा पराभव केला होता. त्यावेळी कर्णधार विराट कोहली होता, आता केएल राहुलच्या नेतृत्वाखाली भारताने इतिहास रचला आहे. आता भारताने ५० वर्षांनंतर पुन्हा इतिहासाची पुनरावृत्ती केली आहे. भारताचा हा मोठा विजय आहे.

संपूर्ण संघाने विजयात मोलाचा वाटा उचलला
या सामन्यात सर्व खेळाडूंनी महत्त्वाचे योगदान दिले आहे. एकीकडे संजू सॅमसनने पहिले शतक झळकावले आहे, तर दुसरीकडे टिळक वर्माही कोणापेक्षा कमी नाही आणि अर्धशतकी खेळी खेळली. याशिवाय, शेवटी जेव्हा धावांची खूप गरज होती, तेव्हा रिंकू सिंगने आपल्या बॅटने आपली ताकद दाखवली आणि 38 धावांची शानदार खेळी केली. याशिवाय गोलंदाजीतही सर्व खेळाडूंनी आपापले योगदान दिले आहे.

Gaurav Gawai
Gaurav Gawai
गौरव गजानन गवई हे महाव्हॉइस न्यूजचे सह-संस्थापक आहेत आणि रायटर आणि ग्राफिक डिझायनर म्हणूनही ते गेल्या पाच वर्षापासून काम करतात. त्यांना महाव्हॉइस न्यूजमध्ये ग्राफिक डिझायनिंग आणि कंटेंट रायटिंगचा मजबूत अनुभव आहे.
RELATED ARTICLES

Most Popular

Recent Comments

error: