न्यूज डेस्क : सध्या पॅलेस्टाईन आणि इस्रायलमधील वातावरण तापले आहे. हमास या दहशतवादी संघटनेने शनिवारी सकाळी अचानक अवघ्या 20 मिनिटांत गाझामधून सुमारे 5000 रॉकेट इस्रायली शहरांवर डागले. इतकंच नाही तर हमासच्या बंदूकधाऱ्यांनी इस्रायलच्या शहरांमध्ये घुसून काही लष्करी वाहनांवर हल्लेही केले. अनेक इस्रायली सैनिकांनाही ओलीस ठेवण्यात आले होते. या सर्व परिस्थितीत, भारत इस्राईलच्या बाजूने आला आहे. तर सोशल मिडीयावर माजी पंतप्रधान अटलबिहारी वाजपेयी यांचा ३० वर्षापूर्वीचा व्हिडीओ व्हायरल होत आहे. ज्यामध्ये वाजपेयी इस्रायलच्या बाजूने बोलत असल्याचे व्हिडीओ दिसत आहे.
काल पंतप्रधान नरेंद्र मोदी यांनी X वर प्रतिक्रिया देत म्हटले, इस्रायलमध्ये झालेल्या दहशतवादी हल्ल्याच्या वृत्ताने खूप धक्का बसला. आमचे विचार आणि प्रार्थना निष्पाप पीडित आणि त्यांच्या कुटुंबियांसोबत आहेत. या कठीण प्रसंगी आम्ही इस्रायलच्या पाठीशी उभे आहोत.
इस्रायलवर हमासच्या दहशतवाद्यांनी केलेल्या हल्ल्यावर अशा कठीण काळात भारत इस्रायलच्या पाठीशी उभा आहे. असे केंद्रीय मंत्री मीनाक्षी लेखी म्हणाल्या, भारत सरकारच्या वतीने, आम्ही पीडित सर्व लोकांप्रती आणि मृत्यूमुखी पडलेल्यांच्या कुटुंबियांप्रती शोक व्यक्त करतो.
आज सकाळ पासून माजी पंतप्रधान अटलबिहारी वाजपेयी यांची जुनी क्लिप व्हायरल होत आहे, ज्यामध्ये वाजपेयी एका सभेला संबोधित करतांना म्हणाले होते की, ‘इस्रायलच्या ताब्यात असलेली अरबांची भूमी इस्रायलला रिकामी करावी लागेल. हल्ल्याची फळे हल्लेखोराने भोगावीत. कोट्यवधी किमतीची जमीन रिकामी असावी. जे पॅलेस्टिनी आहेत त्यांचे योग्य हक्क बहाल केले पाहिजेत. आम्हाला मध्यपूर्वेवर तोडगा काढावा लागेल जो आक्रमकता संपवेल आणि चिरस्थायी शांततेचा आधार बनेल.
पंडित अटल बिहारी वाजपेयी पूर्व विदेश मंत्री व भारत के पूर्व प्रधानमंत्री का कथन ध्यानपूर्वक सुनिए।
— I.P. Singh (@IPSinghSp) October 7, 2023
स्वयंभू विश्व गुरु क्यों चुप हैं भाई?#Palestine #Hamas #Israel pic.twitter.com/84z2HOZuX3
