Patna Fire : बिहारमधील पाटणा रेल्वे जंक्शनजवळील ( Patna Junction) एका हॉटेलला भीषण आग लागली असून, त्यात ६ जणांचा मृत्यू झाल्याची माहिती आहे, तर १८ जण जखमी असल्याची माहिती रुग्णालयात दाखल करण्यात आली आहे.
12 जणांची प्रकृती चिंताजनक असून, त्यांना आयसीयूमध्ये दाखल करण्यात आले आहे. प्रत्यक्षदर्शींनी दिलेल्या माहितीनुसार सिलिंडर फुटल्याने आग लागली. सुरक्षा नियमांचे पालन न केल्यामुळे ही आग लागल्याचे प्राथमिक तपासात निष्पन्न झाल्याचे अग्निशमन विभागाच्या अधिकाऱ्यांनी सांगितले.
पाटणाचे वरिष्ठ पोलीस अधीक्षक (एसएसपी) राजीव मिश्रा यांनी दिलेल्या माहितीनुसार, अग्निशमन दलाच्या जवानांनी गर्दीच्या ठिकाणी असलेल्या या बहुमजली इमारतीतून 30 लोकांना बाहेर काढले आहे, जखमींना रुग्णालयात नेण्यात आले आहे, त्यांची ओळख पटवली जात आहे घटनास्थळी ब्रिगेड पथकाचे नेतृत्व करणारे उपमहानिरीक्षक मृत्युंजय कुमार यांनी सांगितले की, आग आटोक्यात आणण्यात आली आहे.
#WATCH | Patna, Bihar: Krishna Murari, DSP (law & order) says, "5-6 people have died. More than 30 people have been rescued. 7 are seriously injured and have been sent to hospital…" https://t.co/yT6pLszXO2 pic.twitter.com/8P1aq4JNiH
— ANI (@ANI) April 25, 2024
उन्हाळ्याच्या आगमनाबरोबरच दक्षिण-पूर्व दिल्लीतील जामिया नगरमधील एका व्यावसायिक इमारतीला आग लागल्याच्या बातम्या अनेक ठिकाणी ऐकू येत आहेत.दिल्ली अग्निशमन विभागाच्या अधिकाऱ्याने सांगितले की, या घटनेत कोणतीही जीवितहानी झाल्याची माहिती नाही.
अधिकाऱ्याने सांगितले की, “दुपारी 1.25 वाजता जामिया नगर भागात काही प्लास्टिकच्या पाईपला आग लागल्याची बातमी मिळाली. त्यानंतर आग आटोक्यात आणण्यासाठी अग्निशमन दलाच्या चार गाड्या रवाना करण्यात आल्याचे त्यांनी सांगितले.
#WATCH | Bihar: Massive fire breaks out in a hotel near Golambar in Kotwali police station area, in Patna. Fire tenders present at the spot. Firefighting and rescue operations underway. 12 people rescued so far and sent to PMCH. pic.twitter.com/yp9AI3w3aV
— ANI (@ANI) April 25, 2024
नुकतीच दिल्लीतील गाझीपूर लँडफिल साइटवर आग लागली, ती बऱ्याच प्रयत्नांनंतर आटोक्यात आली. दिल्ली अग्निशमन सेवेनुसार, कचऱ्याच्या प्रचंड डोंगरातून निर्माण झालेल्या वायूंमुळे ‘लँडफिल’मध्ये भीषण आग लागली.
