Mitali Sharma : एकेकाळी भोजपुरी सिनेसृष्टीवर राज्य करणारी अभिनेत्री मिताली शर्माबाबत हिच्या बाबत एक धक्कादायक बातमी समोर आली आहे. मिताली शर्मा मुंबईच्या रस्त्यावर भीक मागताना आणि चोरी करताना आढळली आहे. अभिनेत्रीची अवस्था इतकी वाईट आहे की तिला आपला उदरनिर्वाह करण्यासाठी भीक मागून चोरीचा मार्ग पत्करावा लागत आहे. मिताली शर्मा एकेकाळी भोजपुरी दिग्दर्शकांची पहिली पसंती होती. वृत्तानुसार, पोलिसांनी मिताली शर्माला मानसिक आश्रयस्थानात दाखल केले होते.
सर्व रिपोर्ट्समध्ये असा दावा केला जात आहे की, एकेकाळी भोजपुरी इंडस्ट्रीतील टॉप अभिनेत्रींपैकी एक असलेली मिताली शर्मा मुंबईच्या रस्त्यावर भीक मागताना आणि चोरी करताना दिसली होती. यानंतर पोलिसांनी त्याला मानसिक आश्रयस्थानात दाखल केले. मात्र, आता तीच्याबद्दल कोणतीही माहिती नाही. मिताली शर्मा ही भोजपुरी फिल्म इंडस्ट्रीतील एक लोकप्रिय नाव होती. आपल्या कारकिर्दीला अधिक उंचीवर नेण्यासाठी ती मुंबईत आली, पण तिथे तिने सर्वस्व गमावले. शर्मा हिने ओशिवरा येथील एका सोसायटीजवळ कारची खिडकी फोडण्याचा प्रयत्न केला तेव्हा ती पोलिसांना सापडली.
मितालीची कहाणी बॉलीवूड चित्रपटापेक्षा कमी नाही. जेव्हा मितालीची भोजपुरी चित्रपटसृष्टीतील कारकीर्द शिखरावर होती, तेव्हा अभिनेत्रीने हिंदी चित्रपटसृष्टीत आपले स्थान निर्माण करण्यासाठी मुंबईला स्थलांतर केले. मात्र, तिला बी-टाऊनमध्ये चांगले प्रोजेक्ट मिळू शकले नाहीत आणि काही प्रोजेक्टनंतर तिला काम मिळणे बंद झाले. मिताली ही मूळची दिल्लीची असून तिने मुंबईला जाण्याचा निर्णय घेतला तेव्हा तिच्या कुटुंबाने तिला सोडून दिले होते.
मुंबईत काम मिळणे बंद झाल्यानंतर मितालीने उदरनिर्वाहासाठी मुंबईतील लोखंडवालाच्या रस्त्यावर भीक मागायला सुरुवात केली. पोलिसांनी दिलेल्या माहितीनुसार, मितालीला लोखंडवालाच्या रस्त्यावर चोरी करताना पकडण्यात आले होते आणि जेव्हा पोलिसांनी तिला पकडण्याचा प्रयत्न केला तेव्हा तिने पळून जाण्याचा प्रयत्न केला. इतकेच नाही तर मितालीने त्याच्यावर हल्लाही केला. मितालीलाही मानसिक त्रास होत होता, त्यानंतर तिला ठाण्यातील मानसिक रुग्णालयात दाखल करण्यात आले होते.
