Freddy Teaser : कार्तिक आर्यन स्टारर ‘भूल भुलैया 2’ बॉक्स ऑफिसवर सुपरहिट ठरला आणि या वर्षातील सर्वाधिक कमाई करणाऱ्या चित्रपटांपैकी एक आहे. आता कार्तिक त्याच्या पुढच्या चित्रपटासाठी सज्ज झाला आहे. सोमवारी ‘फ्रेडी’ चित्रपटाचा टीझर प्रदर्शित झाला. आलिया एफ या चित्रपटात कार्तिकच्या सोबत आहे. हे दोघे पहिल्यांदाच पडद्यावर एकत्र दिसणार आहेत. यामध्ये कार्तिक आर्यन डेंटिस्ट तर बनला आहेच पण तोही सीरियल किलर असल्याचं दिसतंय. ‘फ्रेडी’ चित्रपटगृहांऐवजी थेट OTT प्लॅटफॉर्म Disney Plus Hotstar वर प्रदर्शित होईल.
1 मिनिट 13 सेकंदाच्या टीझरमध्ये कार्तिक आर्यन टेबलवर बसून खेळण्यासारखे विमान रंगवताना दाखवले आहे. पडद्यावर लिहिले आहे, ही कथा आहे एका लाजाळू, एकाकी, चिंताग्रस्त, प्रामाणिक, सत्य बोलणाऱ्या, निष्पाप डेंटिस्टची. पुढे कार्तिक आर्यन रुग्णाचा दात पाहतो आणि त्याच्यावर उपचार करतो. टीझरच्या एका दृश्यात एक माणूस मृतदेह ओढत पुढे सरकतो. मात्र, त्याचा चेहरा दाखवलेला नाही. दिवसा कार्तिक आर्यन दंतचिकित्सक म्हणून रुग्णांची काळजी घेतो आणि रात्री तो किलर बनतो.
या चित्रपटातील कार्तिक आर्यनच्या व्यक्तिरेखेचे नाव डॉ फ्रेडी जिनवाला आहे. ‘फ्रेडी’चे दिग्दर्शन शशांक घोष यांनी केले असून त्यांनी याआधी ‘खूबसूरत’, ‘वीरे’ द वेडिंग’ आणि ‘प्लॅन ए प्लॅन बी’ सारखे चित्रपट केले आहेत. ‘फ्रेडी’ ची निर्मिती बालाजी टेलिफिल्म्स आणि नॉर्दर्न लाइट्स फिल्म्स यांनी संयुक्तपणे केली आहे. टिझर instagram वर शेअर करताना कार्तिक आर्याने कॅप्शनमध्ये लिहिले की, “नफ्रेडीच्या जगात तुमचे स्वागत आहे. 2 डिसेंबर 2022 पासून अपॉइंटमेंट खुल्या असतील.
यावेळी कार्तिक आर्यनच्या खात्यात अनेक चित्रपट आहेत. त्याचा ‘शेहजादा’ हा चित्रपटही प्रदर्शनासाठी सज्ज आहे. याशिवाय तो ‘सत्यप्रेम की कथा’, ‘कॅप्टन इंडिया’ आणि कबीर खानच्या पुढील चित्रपटातही दिसणार आहे.
