Viral Video – देशात मान्सूनचा पाउस धिंगाणा घालत असून अनेक भागात पूरसदृश परिस्थिती निर्माण झाली आहे, यामध्ये अनेकांचा मृत्यू झाला आहे. दरम्यान, उत्तराखंडमधील हरिद्वारमधून एक व्हिडिओ समोर आला आहे, जो सोशल मीडियावर सातत्याने व्हायरल होत आहे. काही युजर्सनी हा व्हिडिओ शेअर करत तो हरिद्वारचा असल्याचा दावा केला आहे. व्हिडिओमध्ये, पांढरे ढग बर्फाच्या वादळासारखे दिसत आहेत आणि हे दृश्य सुंदर आहे तसेच खूप भीतीदायक आहे.
वास्तविक या घटनेला शेल्फ क्लाउड किंवा आर्क्स क्लाउड असेही म्हणतात. हा शेल्फ ढग हरिद्वारमध्ये दिसत होते. काही लोकांनी ही घटना आपल्या मोबाईलमध्ये रेकॉर्ड केले. पांढऱ्या रंगाचे ढग वेगाने खाली येऊन रेषा तयार करत असल्याचे या घटनेत दिसून येते. काही लोक वादळ वेगाने येत असल्याचेही ऐकू येत आहे. मात्र, हे एवढ्या तीव्रतेचे वादळ नाही की त्यामुळे कोणत्याही प्रकारचे नुकसान होईल. ही आगळीवेगळी घटना पाहून सध्या सगळेच कमेंट करत आहेत.
सोशल मीडियावर लाखो लोकांनी हा व्हिडिओ पाहिला आहे. त्यानंतर अनेकांच्या मनातही संभ्रम निर्माण झाला की हे बर्फाचे वादळ आहे की ढग…
जेव्हा थंड, घनदाट हवा उबदार वातावरणात ढकलली जाते तेव्हा शेल्फ ढग तयार होतात. यानंतर थंड हवा वेगाने खाली येते आणि सोबत पसरते. यानंतर ढगांचे वेगवेगळे आकार तयार होतात. साधारणपणे पातळ रेषेत ही हवा ढगाच्या रूपात खालच्या दिशेने वाहते यालाच शेल्फ क्लाउड म्हणतात.
