Saturday, June 15, 2024
spot_img
HomeMarathi News TodayDonald Trump | डोनाल्ड ट्रम्प यांना मोठा धक्का...राष्ट्राध्यक्षपदासाठी अपात्र घोषित...

Donald Trump | डोनाल्ड ट्रम्प यांना मोठा धक्का…राष्ट्राध्यक्षपदासाठी अपात्र घोषित…

Donald Trump : अमेरिका राष्ट्रपतीच्या शर्यतीसाठी प्रचार करणाऱ्या अमेरिकेचे माजी राष्ट्राध्यक्ष डोनाल्ड ट्रम्प यांना मोठा झटका बसला आहे. कॅपिटल हिंसाचार प्रकरणी कोलोरॅडो राज्याच्या मुख्य न्यायालयाने मंगळवारी ट्रम्प यांना अमेरिकेच्या राज्यघटनेनुसार अध्यक्षपदासाठी अपात्र घोषित केले. व्हाईट हाऊसच्या शर्यतीतील रिपब्लिकन पक्षाचे प्रमुख दावेदार ट्रम्प यांना न्यायालयाने राष्ट्रपतीपदासाठी राज्याच्या प्राथमिक मतदानातून काढून टाकले आहे.

अमेरिकेच्या इतिहासात पहिल्यांदाच 14 व्या घटनादुरुस्तीच्या कलम 3 चा वापर राष्ट्रपती पदाच्या उमेदवाराला अपात्र ठरवण्यासाठी केला गेला आहे. कोलोरॅडो हायकोर्टाने आपल्या 4-3 बहुमताच्या निर्णयात म्हटले आहे की, बहुसंख्य न्यायालयाचा असा विश्वास आहे की 14 व्या घटनादुरुस्तीच्या कलम 3 अंतर्गत ट्रम्प राष्ट्राध्यक्ष पदावर राहण्यास अपात्र आहेत. मीडिया रिपोर्ट्सनुसार, ट्रम्प यांच्या विरोधात निकाल देणाऱ्या न्यायालयातील सर्व न्यायाधीशांची नियुक्ती डेमोक्रॅटिक पक्षाच्या राज्यपालांनी केली होती.

जिल्हा न्यायालयाच्या न्यायाधीशांचा निर्णय रद्द केला
कोलोरॅडो राज्याच्या उच्च न्यायालयाने जिल्हा न्यायालयाच्या न्यायाधीशांचा निर्णय रद्द करून हा आदेश दिला. 6 जानेवारी 2021 रोजी कॅपिटल (यूएस संसद) वर झालेल्या हल्ल्यासाठी ट्रम्प यांनी जमावाला हिंसाचारासाठी चिथावणी दिली होती, असे कनिष्ठ न्यायालयाने म्हटले होते. परंतु ट्रम्प यांना अध्यक्षपदासाठी उभे राहण्यापासून रोखले जाऊ शकत नाही कारण संविधानाच्या त्या कलमात अध्यक्षपदाचा समावेश आहे की नाही हे स्पष्ट नाही.

उच्च न्यायालयाने 4 जानेवारीपर्यंत किंवा अमेरिकन सर्वोच्च न्यायालय या प्रकरणावर निर्णय देईपर्यंत आपल्या निर्णयाला स्थगिती दिली. या निर्णयामुळे रिपब्लिकन पक्षाकडून ट्रम्प नामांकनाच्या शर्यतीत राहू शकतात की नाही हे ठरवणे आता अमेरिकेच्या सर्वोच्च न्यायालयासमोर आव्हान असणार आहे.

Gaurav Gawai
Gaurav Gawai
गौरव गजानन गवई हे महाव्हॉइस न्यूजचे सह-संस्थापक आहेत आणि रायटर आणि ग्राफिक डिझायनर म्हणूनही ते गेल्या पाच वर्षापासून काम करतात. त्यांना महाव्हॉइस न्यूजमध्ये ग्राफिक डिझायनिंग आणि कंटेंट रायटिंगचा मजबूत अनुभव आहे.
RELATED ARTICLES

Most Popular

Recent Comments

error: