साकेत न्यायालय संकुलात शुक्रवारी सकाळी झालेल्या गोळीबाराच्या घटनेवर दिल्लीचे मुख्यमंत्री अरविंद केजरीवाल यांनी तिखट प्रतिक्रिया दिली आहे. हल्लेखोरांनी एक महिला आणि तिच्या वकिलाला गोळ्या घालून जखमी केले. केजरीवाल यांनी दावा केला की दिल्लीतील कायदा आणि सुव्यवस्था पूर्णपणे बिघडली आहे, जर ते केंद्र सरकार ते हाताळू शकत नसेल तर त्या व्यक्तीने राजीनामा द्यावा. त्याआधी केजरीवाल यांनी त्या घटनेचा Video ट्वीट करीत, एलजी साहेब, आमच्या दिल्लीत काय चाललंय?…असा प्रश्न विचारला.
आम आदमी पार्टीचे राष्ट्रीय संयोजक केजरीवाल यांनी ट्विट केले की, दिल्लीतील कायदा आणि सुव्यवस्था पूर्णपणे बिघडली आहे. इतरांच्या कामात अडथळे आणून प्रत्येक गोष्टीवर घाणेरडे राजकारण करण्यापेक्षा प्रत्येकाने स्वतःच्या कामाकडे लक्ष द्यावे आणि ते काम सांभाळता येत नसेल तर ते काम दुसऱ्याला करता यावे यासाठी त्यांनी राजीनामा द्यावा. लोकांची सुरक्षा रामाच्या भरवशावर सोडता येणार नाही.
काय आहे साकेत कोर्टात गोळीबार प्रकरण?
दिल्ली पोलिसांच्या एका वरिष्ठ अधिकाऱ्याने दिलेल्या माहितीनुसार, महिला तिच्या वकिलासोबत कोर्टात पोहोचली होती. दरम्यान, एका व्यक्तीने महिला आणि तिच्या वकिलावर गोळीबार केला. या गोळीबारात महिला जखमी झाली असून तिला एम्समध्ये उपचारासाठी दाखल करण्यात आले आहे.
गोळीबाराची पुष्टी करताना डीसीपी दक्षिण चंदन चौधरी म्हणाले, “गोळीबारात दोन जण (एक महिला आणि एक वकील) गोळ्या लागल्याने जखमी झाले आहेत.” दरम्यान, विशेष पोलिस आयुक्त सागर प्रीत हुड्डा यांनी सांगितले की, हल्लेखोर हा निलंबित वकील असून त्याचा महिलेशी वाद झाला आणि त्यामुळे त्याने महिलेवर गोळीबार केला. अधिकाऱ्याने सांगितले की, आरोपी हल्लेखोराने वकिलाचा गणवेश परिधान केला होता.
