Bigg Boss 17 : बिग बॉस 17 च्या घरात सध्या खूप ड्रामा पाहायला मिळत आहे. कधी घरात भांडण तर कधी प्रणयाचे ढग. अंकिता लोखंडे देखील शोमध्ये सुशांत सिंग राजपूतची अनेकदा आठवण काढताना दिसली आहे. अंकिताने सुशांतबद्दल अनेक खुलासे केले आणि त्याच्याबद्दल अनेक गोष्टीही सांगितल्या.
दरम्यान, अंकिता पुन्हा एकदा सुशांत सिंग राजपूतची आठवण काढताना दिसली. अंकिताला तो दिवस आठवला जेव्हा ती सुशांत सिंग राजपूतचा शुद्ध देसी रोमान्स चित्रपट पाहायला गेली होती. ती सुशांतसोबत एका खासगी चित्रपटगृहात चित्रपट पाहण्यासाठी गेली होती.
25 डिसेंबरच्या एपिसोडमध्ये अंकिताने सांगितले की, सुशांतला पडद्यावर परिणीतीसोबत रोमान्स करताना पाहून ती मनातून तुटली होती. ती ढसाढसा रडू लागली, त्यानंतर सुशांतनेही तिची माफी मागितली. अभिषेक कुमारसोबत झालेल्या संवादात अंकिता म्हणते, “शुद्ध देसी रोमान्स आला तेव्हा आम्ही चित्रपट पाहण्यासाठी गेलो होतो.
यशराज स्टुडिओमध्ये त्याने संपूर्ण हॉल बुक केला होता. तिथे फक्त आम्ही दोघेच चित्रपट पाहणार होतो. त्याला माहीत होते. की तो इतर कोणाबरोबर चित्रपट पाहू शकत नाही. त्याला माहित होते की मी सटकनार आहे, मी तो पहिल्यांदाच पाहत होती. मी सरळ बसून पाहत आहे. तो पळून गेला. परत आला नाही. मी संपूर्ण चित्रपट पाहिला. ते सगळे इंटिमेट घरी गेल्यावर हे दृश्य बघून मी खूप रडली.सुशांतही खूप रडला. तो म्हणाला, “मला माफ कर गुगु, मी हे पुन्हा करणार नाही. आणि यानंतर आम्ही जेव्हा जेव्हा जवळ आलो तेव्हा तो फ्लॅशबॅक माझ्या मनात यायचे.”
