कोरोनाशी लढण्यासाठी सेवाभावी संस्थांचे योगदान महत्त्वपूर्ण…डॉ.नितीन राऊत…

ज्ञानदीप संस्थेतर्फे ऑक्सिजन व व्हेंटिलेटर….कॉन्ट्रॅक्टर व बिल्डर असोसिएशनतर्फे ॲम्बुलन्स…

नागपूर – शरद नागदेवे

कोरोनाशी लढा देण्यासाठी शासन व प्रशासनासोबत सेवाभावी संस्थांचे उल्लेखनीय योगदान लाभले आहे. ज्ञानदीप नागपूर या संस्थेतर्फे देण्यात आलेली ऑक्सिजन मशीन तसेच व्हेंटिलेटर आदी साहित्य कोरोना रुग्णांसाठी उपयुक्त ठरणार आहे. कोरोनावर मात करण्यासाठी प्रभावी व परिणामकारक उपाययोजनांमुळे मृत्यू व रुग्णवाढीचा दर नियंत्रणात असल्याचे प्रतिपादन पालकमंत्री डॉ. नितीन राऊत यांनी केले.

विभागीय आयुक्त कार्यालयाच्या सभागृहात ज्ञानदीप संस्थेतर्फे आठ ऑक्सिजन यंत्र तसेच व्हेंटिलेटर कन्व्हर्टर यंत्र, कॉन्ट्रॅक्टर ॲण्ड बिल्डर असोसिएशनतर्फे कोविड रुग्णांसाठी नि:शुल्क दोन रुग्णवाहिका आज पालकमंत्री डॉ. नितीन राऊत यांच्या हस्ते देण्यात आल्या. त्यावेळी आयोजित कार्यक्रमात ते बोलत होते.

यावेळी विभागीय आयुक्त डॉ. संजीव कुमार, महानगरपालिका आयुक्त राधाकृष्ण बी., जिल्हाधिकारी रविंद्र ठाकरे, मुख्य कार्यपालन अधिकारी योगश कुंभेजकर, विदर्भ सिंचन विकास महामंडळाचे कार्यकारी संचालक जी. मो. शेख, महापालिकेचे अतिरिक्त आयुक्त जलज शर्मा, कॉन्ट्रॅक्टर ॲण्ड बिल्डर असोसिएशनचे अध्यक्ष प्रवीण महाजन, ज्ञानदीप संस्थेचे अध्यक्ष प्रभाकर वर्धने, बीसीके नायर, मोरेश्वर ढोबळे, बालरोग तज्ज्ञ डॉ. राजेंद्र सावजी आदी पदाधिकारी उपस्थित होते.

कोरोना बाधित रुग्णांसाठी आवश्यक असलेले पॅन ऑक्सिजन मशीन व इलेक्ट्रॉनिक व्हेंटिलेटर कन्व्हर्टर ज्ञानदीप संस्थेतर्फे ग्रामीण, अतिदुर्गम भागातील आरोग्य सेवा पुरविणाऱ्या संस्थांना देण्यात आल्यात. मशिन स्विकारण्यासाठी महान ट्रस्ट मेळघाटचे डॅा. भारद्वाज आणि अवि निंबाळकर, मातृ सेवा संघ महालचे डॅा. चौरोसिया मॅडम, सचिव श्रीमती भाटे मॅडम,

प्रशासकीय अधिकारी श्री. सचिन सरोदे. नागपूर, शासकीय वैद्यकीय महाविद्यालया तर्फे डॅा. राजेंद्र सावजी, स्वामी विवेकानंद हॅास्पीटलचे डॅा. गुप्ता, डॉ. आमटे फाउंडेशनचे श्री जितेंद्र नायक., हेमलकसा, गडचिरोली, डॅा. दंदे फाऊन्डेशन नागपूर , इंदिरा गांधी मेडिकल कॅालेज नागपूरचे डॅां. वैशाली शैलगांवकर तसेच महानगरपालिका हॅास्पीटल या संस्थांना पालकमंत्री डॉ. नितीन राऊत यांच्या हस्ते देण्यात आले.

यावेळी कॉन्ट्रॅक्टर ॲण्ड बिल्डर असोसिएशनतर्फे कोविड रुग्णांसाठी दोन रुग्णवाहिका संस्थेचे अध्यक्ष प्रवीण महाजन यांनी पालक मंत्री यांचे हस्ते लोकसेवे करीता लोकार्पण केल्या. काही महिने रुग्णवाहिका असोसिएशनतर्फे नि:शुल्क उपलब्ध करुन देण्यात येणार आहेत. त्यानंतर सेवाभावी संस्थांना हस्तांतरित करण्यात येतील.

प्रारंभी कॉन्ट्रॅक्टर ॲण्ड बिल्डर असोसिएशनचे अध्यक्ष प्रवीण महाजन यांनी कोविड रुग्णांसाठी दोन रुग्णवाहिका तसेच ज्ञानदीप संस्थेतर्फे ऑक्सिजन यंत्र व कन्व्हर्टर यंत्र आदी साहित्य ग्रामीण व गरजू रुग्णांसाठी उपलब्ध करुन देण्यात येत असल्याचे सांगितले. तसेच पालकमंत्र्यांचे त्यांनी केलेल्या सेवाभाव वृत्तीचे स्वागत केले. कार्यक्रमाचे संचालन मोरेश्वर ढोबळे यांनी केले तर अभार बीसीके नायर यांनी मानले.

LEAVE A REPLY

Please enter your comment!
Please enter your name here