दिल्लीतील इस्त्रायली दूतावासाजवळ झालेल्या स्फोटानंतर सुरक्षा यंत्रणा सतर्क…

न्यूज डेस्क – दिल्लीतील इस्त्रायली दूतावासाजवळ झालेल्या स्फोटानंतर सुरक्षा यंत्रणांना सतर्क झाली असून सर्व विमानतळ, महत्वाची प्रतिष्ठाने व सरकारी इमारतींसाठीही सतर्कतेचा इशारा देण्यात आला आहे. या स्फोटाचा परिणाम दिल्लीसह इतर राज्यात दिसून येत आहे. अयोध्यासह संपूर्ण उत्तर प्रदेशात सतर्कतेचा इशारा देण्यात आला आहे. महाकुंभ पाहता हरिद्वारमध्ये सतर्कतेचा इशारा देण्यात आला आहे.

शुक्रवारी सायंकाळी साडेपाच वाजण्याच्या सुमारास इस्रायली दूतावासाजवळ स्फोट झाला. या स्फोटानंतर अयोध्यासह संपूर्ण उत्तर प्रदेशात सतर्कतेचा इशारा देण्यात आला. राज्यातील सर्व जिल्ह्यांना हाय अलर्टवर ठेवण्यात आले आहे. अयोध्याकडे विशेष लक्ष दिले जात आहे.

त्याचबरोबर उत्तराखंडच्या हरिद्वारमध्ये सतर्कतेचा इशारा देण्यात आला आहे. एसएसपी हरिद्वार यांच्या म्हणण्यानुसार, येथे महाकुंभ आयोजित केला जाणार असल्याने पोलिस दलाची तपासणी केली जात आहे. अशा परिस्थितीत हरिद्वारला हाय अलर्ट ठेवण्यात आले आहे. यापूर्वी मुंबईत सुरक्षा व्यवस्था वाढविण्यात आल्याची माहिती आहे. सतर्क राहण्याच्या सूचना मुंबई पोलिसांना देण्यात आल्या आहेत. सुरक्षा व्यवस्था कडक करण्यात आली आहे.

इस्त्रायली दूतावासाशेजारी झालेल्या स्फोटात कोणीही जखमी झाले नसले तरी पण बर्‍याच मोटारींचे नुकसान झाले आहे. या स्फोटास इस्रायलने दहशतवादी हल्ला म्हटले होते. तर भारताने दोषींना सोडले जाणार नाही असे म्हटले आहे. या स्फोटानंतर उत्तर प्रदेश, हरिद्वार आणि महाराष्ट्रासह इतर अनेक राज्यांत सुरक्षा वाढविण्यात आली आहे.

LEAVE A REPLY

Please enter your comment!
Please enter your name here