भारतीय रेल्वेत अपरेंटिस 15430 पेक्षा जास्त पदांसाठी भरती…लवकर करा अर्ज…

फोटो - फाईल

भारतीय रेल्वेच्या रेल्वे भरती मंडळाने अनेक क्षेत्रांमध्ये शिकाऊ पदाच्या भरतीसाठी अधिसूचना जारी केली आहे. त्यानुसार दक्षिण मध्य रेल्वे, पूर्व रेल्वे, पश्चिम मध्य रेल्वे, उत्तर मध्य रेल्वे आणि पूर्व मध्य रेल्वे झोनमध्ये एकूण 16,510 रिक्त पदांसाठी भरतीसाठी अर्ज मागविण्यात आले आहेत. उमेदवारांसाठी अर्ज भरण्याची प्रक्रिया सुरू झाली आहे. इच्छुक आणि पात्र उमेदवार RRB च्या अधिकृत वेबसाइटला भेट देऊन या पदांसाठी अर्ज करू शकतात.

काही पदांसाठी अर्ज करण्याची आज शेवटची संधी आहे. या पदांसाठी अर्ज करणारे उमेदवार मान्यताप्राप्त बोर्डातून 10वी किंवा 12वी उत्तीर्ण असावेत. तसेच उमेदवाराकडे ते अर्ज करत असलेल्या संबंधित ट्रेडमधील आयटीआय प्रमाणपत्र असणे आवश्यक आहे. शैक्षणिक पात्रतेनुसार तयार केलेल्या गुणवत्ता यादीच्या आधारे उमेदवारांची निवड केली जाईल. अधिक तपशीलांसाठी उमेदवार अधिकृत वेबसाइटवर जारी केलेली अधिसूचना वाचू शकतात.

पश्चिम मध्य रेल्वे प्रशिक्षणार्थी भरती 2021
रेल्वे भरती मंडळाने पश्चिम मध्य रेल्वेमध्ये 2226 रिक्त पदांसाठी शिकाऊ भरती 2021 देखील जाहीर केली होती. या पदांसाठी 11 ऑक्टोबरपासून अर्ज प्रक्रिया सुरू झाली आहे. उमेदवार अधिकृत वेबसाइट (wcr.indianrailway.gov.in) द्वारे अर्ज करू शकतात. नोकरीसाठी अर्ज करण्याची शेवटची तारीख 10 नोव्हेंबर आहे.

पूर्व मध्य रेल्वे प्रशिक्षणार्थी भरती 2021
पूर्व मध्य रेल्वेने 2206 रिक्त शिकाऊ पदांसाठी अर्ज मागवले आहेत. इच्छुक आणि पात्र उमेदवार अधिकृत वेबसाइट (www.rrcecr.gov.in) वर जाऊन या पदांसाठी अर्ज करू शकतात. अर्ज भरण्याची प्रक्रिया ५ ऑक्टोबरपासून सुरू आहे.

उत्तर मध्य रेल्वे भरती 2021
उत्तर मध्य रेल्वेने शिकाऊ उमेदवाराच्या 1664 रिक्त जागा भरण्यासाठी अधिसूचना देखील जारी केली आहे. या पदांसाठी 2 नोव्हेंबरपासून अर्ज प्रक्रिया सुरू होत आहे. उमेदवार अधिकृत वेबसाइट (www.rrcpryj.org) वर जाऊन अर्ज करू शकतील. नोकरीसाठी अर्ज करण्याची शेवटची तारीख १ डिसेंबर आहे.

LEAVE A REPLY

Please enter your comment!
Please enter your name here