न्यूज डेस्क : राजस्थानच्या भरतपूर बयाना येथे एक धक्कादायक घटना समोर आलीय, अड्डा या गावातील दोन पक्षांमधील जमिनीचा वाद पुन्हा एकदा हत्येचे कारण बनले आहे. एका पक्षाच्या लोकांनी दुसऱ्या पक्षाच्या तरुणाची ट्रॅक्टरने चिरडून निर्घृण हत्या केली. आरोपी ट्रॅक्टर चालकाने त्याच्या ट्रॅक्टरची चाके जमिनीवर पडलेल्या तरुणावर आठ वेळा ट्रॅक्टर मागे-पुढे करीत फिरवली. याचा एक व्हिडिओही समोर आला आहे. या घटनेने गावात तणावाचे वातावरण पसरले. माहिती मिळताच सदर पोलीस घटनास्थळी दाखल झाले. मृत युवक निरपत गुर्जर मुलगा अतार सिंग याचा मृतदेह रुग्णवाहिकेद्वारे बयाना सीएचसीमध्ये पोस्टमॉर्टमसाठी पाठवण्यात आले आहे.
पोलिसांनी दिलेल्या माहितीनुसार, अड्डा गावातील बहादूर गुर्जर आणि अतारसिंग गुर्जर पक्षांमध्ये अनेक दिवसांपासून जमिनीचा वाद सुरू होता. या वादावरून बुधवारी सकाळी आठच्या सुमारास दोन्ही पक्ष पुन्हा आमनेसामने आले. दोन्ही बाजूंनी एकमेकांवर लाठ्या आणि दगडांनी हल्ला केला. यामध्ये दोन्ही बाजूच्या महिलांचाही समावेश होता.
गावकऱ्यांच्या म्हणण्यानुसार गोळीबाराचा आवाजही ऐकू आला. मारामारीदरम्यान निरपत नावाचा तरुण जमिनीवर पडला. तेव्हा दुसऱ्या बाजूच्या तरुणाने जमिनीवर पडलेल्या निरपत यांच्यावर ट्रॅक्टर चालवला. आरोपी ट्रॅक्टर चालकाने न थांबता ट्रॅक्टरची चाके निरपतच्या अंगावरून आठ वेळा फिरविली त्यामुळे निरपतचा जागीच मृत्यू झाला.
पाच दिवसांपूर्वीही हाणामारी झाली होती
पाच दिवसांपूर्वी 21 ऑक्टोबर रोजी याच वादातून बहादूर आणि अतारसिंग गुर्जर पक्षांमध्ये मारामारी झाली होती, त्यात बहादूर आणि त्याचा लहान भाऊ जनक गंभीर जखमी झाले होते. या घटनेबाबत बहादूर यांचा मुलगा दिनेश याने दुसऱ्या पक्षाचे अतरसिंग व त्यांचे मुलगे निरपत, विनोद, दामोदर व नातेवाईक ब्रजराज यांच्याविरुद्ध सदर पोलीस ठाण्यात गुन्हा दाखल केला होता.
सदर पोलीस ठाण्याचे एसएचओ जयप्रकाश परमार यांनी सांगितले की, घटनेची माहिती मिळताच ते घटनास्थळी पोहोचले. घटनेची माहिती घेतली जात आहे. आरोपी ट्रॅक्टर चालकाची ओळख पटवली जात आहे. मृतदेह शवविच्छेदनासाठी बयाना सीएचसी येथे पाठविण्यात आले आहे.
इंसान या राक्षस??
— gyanendra shukla (@gyanu999) October 25, 2023
ये भयंकर दृश्य राजस्थान के भरतपुर का है, ज़मीन विवाद में झगड़े के दौरान निरपत गुर्जर गिर गया जिस पर बहादुर गुर्जर के लोगों ने ट्रैक्टर चढ़ा दिया. 8 बार पहिया चढ़ाए जाने से निरपत ने मौक़े पर ही दम तोड़ दिया. आरोपी फ़रार हो गए.
Disclaimer: वायरल वीडियो… pic.twitter.com/SFM7YVcuDK
अस्वीकरण: वरील व्हायरल व्हिडिओ हृदयद्रावक आहे…
