Thursday, April 25, 2024
Homeक्रिकेटBrendon McCullum | ब्रेंडन मॅक्युलमचा कसोटीत केलेला विश्वविक्रम आजपर्यंत कोणीही मोडला नाही...कोणता...

Brendon McCullum | ब्रेंडन मॅक्युलमचा कसोटीत केलेला विश्वविक्रम आजपर्यंत कोणीही मोडला नाही…कोणता तो जाणून घ्या…

Share

Brendon McCullum : कसोटी क्रिकेटच्या इतिहासातील आजचा दिवस खूप खास आहे. खरे तर आठ वर्षांपूर्वी या दिवशी 2016 मध्ये इंग्लंडच्या कसोटी संघाचे प्रशिक्षक ब्रेंडन मॅक्युलम यांनी इतिहास रचला होता. 20 फेब्रुवारी 2016 रोजी त्याच्या शेवटच्या सामन्यात, मॅक्युलमने कसोटी क्रिकेटच्या इतिहासातील सर्वात जलद शतक झळकावले. आजपर्यंत एकाही क्रिकेटपटूला हा विक्रम मोडता आलेला नाही.

क्रिकेटला अलविदा केल्यानंतर ब्रेंडन मॅक्क्युलमने कोचिंगच्या दुनियेत प्रवेश केला. मॅक्युलम हे इंडियन प्रीमियर लीगमध्ये कोलकाता नाईट रायडर्सचे प्रशिक्षक होते. यानंतर त्याला इंग्लंडच्या कसोटी संघाचे मुख्य प्रशिक्षकपदाची ऑफर आली, जी त्याने स्वीकारली.

त्यानंतर बेन स्टोक्सला कर्णधारपद मिळाले आणि मॅक्युलम प्रशिक्षक झाला. मॅक्युलमने येताच इंग्लंडचे कसोटी क्रिकेट बदलून टाकले. यातील सर्वात खास गोष्ट म्हणजे मॅक्युलम प्रशिक्षक बनल्यानंतर इंग्लंडने कसोटीमध्ये आक्रमक क्रिकेट खेळण्यास सुरुवात केली, ज्यांना बेसबॉल असे नाव मिळाले.

20 फेब्रुवारी 2016 रोजी झालेल्या शेवटच्या कसोटीत ब्रेंडन मॅक्क्युलमने केवळ 54 चेंडूत शतक झळकावून विश्वविक्रम केला. त्यांनी वेस्ट इंडिजच्या सर व्हिव्ह रिचर्ड्स आणि पाकिस्तानच्या मिसबाह-उल-हक यांचा 56 चेंडूत झळकावलेल्या कसोटी शतकाचा विक्रम मोडला. मॅक्युलमचा हा विक्रम आजपर्यंत कोणत्याही खेळाडूला मोडता आलेला नाही.

याच सामन्यात कसोटी क्रिकेटमध्ये सर्वाधिक षटकार मारण्याचा विक्रमही मॅक्युलमच्या नावावर झाला. मॅक्क्युलमच्या नावावर कसोटीत 107 षटकार आहेत. मात्र, नंतर बेन स्टोक्सने हा विक्रम मोडला. स्टोक्सच्या नावावर आतापर्यंत 128 षटकार आहेत. या फॉरमॅटमध्ये सर्वाधिक षटकार मारणारा तो फलंदाज आहे.

कसोटी क्रिकेटमधील सर्वात वेगवान शतक बनोणारे

54 चेंडू- ब्रेंडन मॅक्युलम, न्यूझीलंड विरुद्ध ऑस्ट्रेलिया, क्राइस्टचर्च

56 चेंडू- मिसबाह-उल-हक, पाकिस्तान विरुद्ध ऑस्ट्रेलिया, अबू धाबी

56 चेंडू- व्हिव्हियन रिचर्ड्स, वेस्ट इंडिज, इंग्लंड, सेंट जॉन्स

57 चेंडू- ॲडम गिलख्रिस्ट, ऑस्ट्रेलिया विरुद्ध इंग्लंड, पर्थ


Share
Gaurav Gawai
Gaurav Gawai
गौरव गजानन गवई हे महाव्हॉइस न्यूजचे सह-संस्थापक आहेत आणि रायटर आणि ग्राफिक डिझायनर म्हणूनही ते गेल्या पाच वर्षापासून काम करतात. त्यांना महाव्हॉइस न्यूजमध्ये ग्राफिक डिझायनिंग आणि कंटेंट रायटिंगचा मजबूत अनुभव आहे.
RELATED ARTICLES
spot_img
- Advertisment -

Most Popular

Recent Comments

error: