Breaking | यवतमाळ जिल्ह्यात ५७ जण नव्याने पॉझेटिव्ह; ३८ जणांना सुट्टी एका कोरोनाबाधित रुग्णाचा मृत्यु…

यवतमाळ – सचिन येवले

यवतमाळ जिल्ह्यात गत 24 तासात 57 जण नव्याने पॉझेटिव्ह आले असून एका कोरोनाबाधित रुग्णाचा मृत्यु झाला आहे. तर वसंतराव नाईक शासकीय वैद्यकीय महाविद्यालयाच्या आयसोलेशन वॉर्ड तसेच विविध कोविड केअर सेंटर, कोव्हीड हेल्थ सेंटरमध्ये भरती असलेल्या 38 जण ‘पॉझेटिव्ह टू निगेटिव्ह’ झाल्याने त्यांना रुग्णालयातून सुट्टी देण्यात आली आहे.

मृतकामध्ये दारव्हा येथील 67 वर्षीय पुरुषाचा समावेश आहे. जिल्हा परिषदेच्या आरोग्य विभागातर्फे प्राप्त अहवालानुसार गत 24 तासात एकूण 553 रिपोर्ट प्राप्त झाले. यापैकी 57 नव्याने पॉझेटिव्ह तर 496 जणांचे रिपोर्ट निगेटिव्ह आले आहेत.

यवतमाळ जिल्ह्यात सद्यस्थितीत 451 ॲक्टीव्ह पॉझेटिव्ह असून आतापर्यंत एकूण पॉझेटिव्ह रुग्णांची संख्या 9879 झाली आहे. शनिवारी 38 जणांना सुट्टी मिळाल्याने सुरवातीपासून बरे झालेल्यांची एकूण संख्या 8761 आहे. जिल्ह्यात आतापर्यंत 315 मृत्युची नोंद आहे.

यवतमाळ जिल्ह्यात सुरवातीपासून आतापर्यंत 88233 नमुने पाठविले असून यापैकी 87732 प्राप्त तर 501 अप्राप्त आहेत. तसेच 77853 नागरिकांचे नमुने आतापर्यंत निगेटिव्ह आल्याचे जिल्हा आरोग्य अधिकारी कार्यालयाने कळविले आहे.

LEAVE A REPLY

Please enter your comment!
Please enter your name here