प्रजासत्ताक दिनापूर्वी ३८४ जणांना शौर्य पुरस्कार जाहीर…नीरज चोप्राला परम विशिष्ट सेवा पदक…

न्युज डेस्क – टोकियो ऑलिम्पिकमध्ये आपल्या चमकदार कामगिरीच्या जोरावर गोल पदक जिंकून इतिहास रचणाऱ्या नीरज चोप्रा यांना परम विशिष्ट सेवा पदकाने सन्मानित करण्यात येणार आहे. प्रजासत्ताक दिनाच्या एक दिवस आधी ३८४ जणांना शौर्य पुरस्कार देण्याची घोषणा करण्यात आली आहे. या सर्वांना प्रजासत्ताक दिनी सन्मानित करण्यात येणार आहे.

प्रजासत्ताक दिनाच्या एक दिवस आधी राष्ट्रपती रामनाथ कोविंद यांनी मंगळवारी शौर्य पुरस्कारांच्या नावांना मंजुरी दिली आहे. या यादीत एकूण 384 जणांची नावे जाहीर करण्यात आली आहेत. सरकारने जाहीर केलेल्या या यादीत टोकियो ऑलिम्पिक सुवर्णपदक विजेता नीरज चोप्राचे नाव देखील समाविष्ट आहे.

घोषणेनुसार, यामध्ये 12 शौर्य चक्र आणि 29 परम सेवा विशिष्ट सेवा पदके, 13 युद्ध सेवा पदके, 122 विशिष्ट सेवा पदके, 4 उत्तम युद्ध सेवा पदके आणि 53 अति विशिष्ट सेवा पदकांचा समावेश आहे. एकूण 384 जणांना शौर्य पुरस्कार जाहीर झाले आहेत.

प्रजासत्ताक दिनी सन्मानित केलेल्या सहा लष्करी जवानांना शौर्य चक्र पुरस्काराने (शांतता काळातील तिसरा सर्वोच्च शौर्य पुरस्कार) सन्मानित केले जाईल. त्यात मरणोत्तर पाच जणांचा समावेश आहे. 17 मद्रास नायब सुभेदार श्रीजीत एम यांना जुलै 2021 मध्ये जम्मू आणि काश्मीरमध्ये शोध मोहिमेदरम्यान एका दहशतवाद्याला मारल्याबद्दल शौर्य चक्र (मरणोत्तर) देण्यात येणार आहे.

ऑलिम्पिक सुवर्णपदक जिंकणारा भारताचा भालाफेकपटू नीरज चोप्राने आगामी स्पर्धांसाठी तयारी सुरू केली आहे. नीरज चोप्राने टोकियो ऑलिम्पिकमध्ये दुसऱ्या प्रयत्नात 87.58 मीटर फेक करून सुवर्णपदक जिंकले. नीरजची सर्वोत्तम वैयक्तिक कामगिरी 88.07 मी. अशा परिस्थितीत आगामी ऑलिम्पिकपूर्वी त्याची नजर 90 मीटर अडथळा पार करण्यावर आहे.

LEAVE A REPLY

Please enter your comment!
Please enter your name here