Saturday, June 15, 2024
spot_img
Homeराज्यवाघाने केले २५ वर्षीय तरुण युवकाला ठार...देवलापार वनपरिक्षेत्र हद्दीतील घटना...

वाघाने केले २५ वर्षीय तरुण युवकाला ठार…देवलापार वनपरिक्षेत्र हद्दीतील घटना…

रामटेक – राजु कापसे

नागपूर जिल्ह्यातील देवलापार वनपरिक्षेत्र हद्दीत येणाऱ्या छवारी गावातील एका २५ वर्षीय तरुण गुराख्याला वाघाने हल्ला करून ठार केल्याची घटना दि.८ जून दुपारी २ वाजताच्या सुमारास घडली.

प्राप्त माहितीनुसार,देवलापार वनपरिक्षेत्र हद्दीत येणाऱ्या छवारी पो.करवाही येथील २५ वर्षीय रहिवासी विक्की बाळकृष्ण बोपटे हा नेहमीप्रमाणे जनावरे चरायला घेऊन गेला असतांना गावाशेजारील शेतात जनावरे चारत असतांना वाघाने अचानक त्याच्यावर हल्ला केला.

यात त्याचा घटनास्थळीच मृत्यू झाला. घटनेची माहिती सोबत असलेल्या गुराख्यांनी गावात दिली. व गावातील लोकांनी देवलापार वनपरिक्षेत्र अधिकारी ऋषिकेश पाटील यांना देण्यात आली.त्यांनी तात्काळ वनविभागाची टीम घटनास्थळी पाठवून घटनेचा पंचनामा केला.व मृतकाच्या कुटुंबाला शासन नियमाप्रमाणे मदत देण्याचे प्रयत्न करू असे आश्वासन दिले.

यावेळी रामटेक पंचायत समितीचे सभापती यांनी सांगितले की, या परिसरात वाघाची दहशत गेल्या अनेक दिवसांपासून आहे.याबाबत वनविभागाला सुचनादेखील देण्यात आली होती.वाघाने शेतात येऊन एका तरुण गुराख्याला ठार केले ही घटना अतिशय दुःखद आहे.वनविभागाने मृतकाच्या कुटुंबाला शासन नियमांप्रमाणे मदत करावी अशी विनंती आहे.

Raju Kapse
Raju Kapsehttp://mahavoicenews.com
मी, राजू कापसे रा, रामटेक जि, नागपूर येथील रहिवासी असून मी पत्रकारिता क्षेत्रात गेल्या 30 वर्षा पासून आहे. महाव्हाईस न्यूज च्या मुख्यकार्यकारणी व्यवस्थापन संघाचा सदस्य आहे, जेव्हापासून महाव्हाईस न्यूज ची सुरुवात झाली तेव्हापासून रामटेक तालुक्यातील काम सांभाळत आहे.
RELATED ARTICLES

Most Popular

Recent Comments

error: